Թերթավոր մետաղի արտադրության ծախսերը նվազեցնելու 5 միջոց
Այս հինգ խորհուրդները կօգնեն ձեզ օպտիմալացնել թերթավոր մետաղից պատրաստված իրերի արտադրության նախագիծը՝ կրճատելով ծախսերը և բարձրացնելով արդյունավետությունը:
Թերթավոր մետաղը իդեալական է մաշվածակայուն արտադրանքի պատրաստման համար՝ փոքրաքանակ պրոտոտիպերից մինչև դետալների մեծ խմբաքանակներ: Թերթավոր մետաղից պատրաստված իրերն ունեն լայն կիրառություն, և դրանց օգտագործումը կարող է շահավետ լինել արտադրողի համար: Սակայն, քանի որ նման իրերը պատրաստվում են մեկ հարթ թերթից, գոյություն ունեն նախագծման լրացուցիչ պահանջներ, որոնք բացակայում են մշակման այլ ձևերի դեպքում:
Արտադրության մեջ ժամանակ և գումար խնայելու համար հոդվածի հեղինակն առաջարկում է հինգ եղանակ, որոնք կօգնեն դա անել արդեն հաջորդ նախագծում:
1. Ընտրեք համապատասխան նյութ
Նյութերի արժեքը արտադրական ծախսերի և արտադրանքի գնի վրա ազդող հիմնական գործոններից մեկն է: Ընտրեք նյութը՝ մանրակրկիտ գնահատելով այն, և օգտագործեք ստանդարտ չափսեր: Պրոտոտիպավորման համար, օրինակ, արժե փորձել օգտագործել 5052 ալյումին կամ այլ ավելի էժան նյութ՝ չժանգոտվող պողպատի փոխարեն:
2. Նախագծեք կոնկրետ տրամաչափի (gauge) համար
Դետալը նախագծելիս հիշեք թերթավոր նյութի ստանդարտ տրամաչափերը: Իմացեք ձեր տրամադրության տակ եղած հաստոցների սահմանափակումները և առավելագույն հաստությունները, որոնք նրանք կարող են մշակել: Նման սահմանափակումները կախված են նաև դետալի երկրաչափությունից: Ավելի հաստ թերթը կարող է թույլ չտալ կատարել այնպիսի ծալքեր, որոնք պահանջում է դետալի կոնֆիգուրացիան:
3. Պարզեցրեք ծալքերը
Ընդհանուր առմամբ, որքան բարդ է դետալի ձևը, այնքան թանկ կլինի դրա պատրաստումը: Ծախսերը կրճատելու համար աշխատեք նախագծել պարզ անկյունային ծալքեր՝ թերթի հաստությանը հավասար կամ դրանից մեծ շառավղով (radius): Հաստ մետաղից պատրաստված մեծ դետալների վրա նեղ ծալքերը հաճախ լինում են ոչ ճշգրիտ, ուստի հնարավորության դեպքում դրանցից պետք է խուսափել:
4. Սահմանափակեք խիստ թույլատրված շեղումների (tolerances) կիրառումը
Հաճախ դետալի միայն մի քանի մակերևույթներն են կրիտիկական դրա գործառնության համար: Ինչքան շատ տարրեր ունենան չափային խիստ թույլտվություններ (օրինակ՝ շառավիղներ, հեռավորություններ, անցքերի տրամագծեր), այնքան ավելի թանկ կդառնա դետալի արտադրությունը: Ծախսերը կրճատելու և ավելորդ վատնումները վերացնելու համար աշխատեք թույլտվություններ ներդնել միայն կրիտիկական տարրերի և մակերևույթների վրա:
5. Պահպանեք ծալքերի միևնույն ուղղությունը
Նույն հարթության մեջ գտնվող ծալքերը պետք է նախագծել նույն ուղղությամբ, որպեսզի հաստոցի վրա դետալի վերակողմնորոշում չպահանջվի, ինչը կխնայի թե՛ ժամանակը, թե՛ գումարը: Ծալման անփոփոխ շառավղի պահպանումը նույնպես արտադրությունը կդարձնի ավելի շահավետ:
IMA տեղեկատվություն
Թերթավոր մետաղից պատրաստված իրերի արտադրությունը միշտ պահանջում է արտադրողից որոշակի որոշումների կայացում: Միջոցների արդյունավետ օգտագործումը ձեռք է բերվում փորձված և հուսալի սարքավորումների կիրառմամբ, որոնց վրա կարելի է ըստ անհրաժեշտության կարգավորել և ընտրել ծալքերն ու հաստությունները, խուսափել սխալներից և խնայել արտադրության ժամանակը:
Երբ գա ձեր արտադրական հզորությունները ընդլայնելու կամ թարմացնելու ժամանակը, դուք միշտ կարող եք դիմել IMA-ին՝ հուսալի իտալական արտադրողից նոր ծալող հաստոց ձեռք բերելու համար: Մեր կատալոգում ասոցիացիայի անդամների կողմից առաջարկվող ծալող հաստոցները կարող են բավարարել ցանկացած մակարդակի արտադրողի կարիքները՝ փոքր ենթակապալառուից կամ անհատ արտադրողից մինչև խոշոր ավտոմատացված գործարան:
