Ի՞նչն է ավելի կարևոր՝ կտրող սարքավորումների ծանրաբեռնվածությունը, թե՞ գործընթացի թողունակությունը:
Սակայն, եթե խոսքը արտադրող գործարանի մասին է, և կտրված մասերն օգտագործվում են որպես արտադրական գործընթացի մաս, ապա թողունակությունն ավելի կարևոր կլինի, քան սարքավորումների ծանրաբեռնվածությունը. հնարավոր է՝ դետալների միջանկյալ պահպանման համար բավարար տեղ չլինի կամ չափազանց շատ ժամանակ ծախսվի դրանց տեղափոխման վրա:
Նմանատիպ իրավիճակ է առաջանում խողովակների և պրոֆիլների կտրման դեպքում: Հեղինակը հանդիպել է մի մոտեցման, որի դեպքում ձողերը եռակցվում են միմյանց՝ անսահման երկարություն ստանալու համար, և հետո կտրվում ըստ անհրաժեշտության: Նման իրավիճակում շատ ավելի կարևոր է ճիշտ կառավարել կտրմանը հաջորդող արտադրական փուլերը՝ ամբողջ գործընթացը օպտիմալացնելու համար: Մնացորդների և թափոնների մասին անհանգստանալ պետք չէ:
Մեկ այլ հետաքրքիր մոտեցում ցուցաբերեց մի հաճախորդ, որը մասնագիտացած էր խողովակային կոճերի արտադրության մեջ և վերջերս ձեռք էր բերել նոր բարձրտեխնոլոգիական կտրող հաստոց: Ակնհայտ էր, որ նման սարքավորման հզորությունն ավելին է, քան պահանջվում էր արտադրության համար: Ուստի սկզբում կտրում էին դետալները և կտրում այնքան ժամանակ, մինչև միջանկյալ պահեստում դրանց դեզը չափազանց բարձրացավ: Ըստ Մերֆիի օրենքի՝ ամենաանհրաժեշտ իրերը միշտ գտնվում էին այդ դեզի ամենաներքևի մասում: Որոշ ժամանակ անց արտադրությունում հասկացան, որ ավելի լավ է հավասարակշռել փուլերը և կտրել միայն այն, ինչ անհրաժեշտ է հենց հիմա, այլ ոչ թե այն ամենը, ինչ հնարավոր է կտրել:
Ինչպես կարող եք հասկանալ վերը բերված օրինակներից, երկու գործոններն էլ կարևոր են, բայց ամեն ինչ կախված է հեռանկարից: Եթե իրավիճակը դիտարկենք խնայողական արտադրության (lean manufacturing) հայեցակարգի տեսանկյունից, ապա այն իրավիճակը, որը ստեղծում է նվազագույն լրացուցիչ քայլեր և հարցեր՝ կապված միջանկյալ պահեստավորման հետ, ամենահարմարն է:
Եվս մեկ հետաքրքիր միտք. եթե անհրաժեշտ է հետևել արտադրությանը իրական ժամանակի ռեժիմում, ինչպես նախատեսված է Ինդուստրիա 4.0 հայեցակարգում, արդյո՞ք դա թույլ կտար հետագայում ավելի շատ կողմնակի պատվերներ վերցնել՝ թե՛ հաստոցների ծանրաբեռնվածությունը, թե՛ թողունակությունը բարձր մակարդակի վրա պահելու համար:
Անկասկած, յուրաքանչյուր արտադրող պետք է նման որոշումներ կայացնի ինքնուրույն և գործի համապատասխանաբար:
Մարսել Մ. Վելդհուիզեն
Hexagon PPM-ի մետաղների ձևավորման լուծումների փոխնախագահ
IMA տեղեկատվություն
- Եթե եկել է ժամանակը ընդլայնելու կամ թարմացնելու Ձեր արտադրական հզորությունները, Դուք միշտ կարող եք դիմել IMA-ին՝ հուսալի իտալական արտադրողից նոր հաստոց ձեռք բերելու համար: Մեր կատալոգում ասոցիացիայի անդամների կողմից առաջարկվող դակիչ, ծռող և մետաղակտրող հաստոցների տեսականին ի վիճակի է բավարարել ցանկացած մակարդակի արտադրողի կարիքները՝ փոքր ենթակապալառուից կամ անհատ արտադրողից մինչև խոշորամասշտաբ ավտոմատացված գործարան:
